韦斯咸上个赛季系英超第九位，整体嚟讲咧其实都唔算差嘅，但系新赛季啦，我哋见到首先就主教练换成咗卢比迪古啊，其实他执教豪门嘅战绩都系麻麻地啊，同埋喺英格兰短暂执教过狼队啦，都未能够好好地去证明自己嘅实力。

跟住开赛输俾维拉亦都赢到水晶宫啦，算系铁锤帮一个正常嘅发挥啊。对于球队嚟讲，一方面系走咗部分嘅中场主力啊，另外就系前任莫耶斯打造嘅铁血防守，一度系令到佢哋成为英超最难搞嘅硬骨头。但系喺莫耶斯时期后段，防守硬度已经系全面下降，跟住换咗卢比迪古之后，他其实更加擅长嘅并唔系防守而系进攻，所以见到新赛季佢哋进攻系有保障，但系防守方面始终都系有下滑。

曼城就两轮联赛赢波轻轻松松，当然球队嘅变化不大，虽然就少咗艾华利斯，但系都有新援摩里拉，以及根杜简回归。睇翻夏兰特啦又有帽子戏法啦，同埋最近九次英超作客挑战韦斯咸，曼城可以保持不败。另外有一点啊，佢哋作客去到伦敦奥林匹克体育场，入咗25球，亦都系入波最多嘅客军球队。

从曼城嘅角度出发，总体消耗都系比较少。当然而家又有部分嘅伤兵，比如高华锡、科顿，仲有阿Bob咧几个。有一点就好重要，包括列高-刘易斯等等，呢滴都系哥迪奥拿着意去培训嘅小将，喺曼城阵中已经担当起好重要嘅作用。顺风顺水嘅曼城，呢场波可以去完胜韦斯咸。